Kryeministri i Kosovës, Albin Kurti dhe Presidenti i Serbisë, Aleksandër Vuçiç kanë filluar takimin e nivelit të lartë në Bruksel me ndërmjetësimin e BE-së.
Në fotot e publikuara në media vihet re se Kurti dhe Vuçiç janë në të njëjtën tavolinë, ballë për ballë. Mes tyre janë i dërguari i posaçëm për dialogun Kosovë-Sebi, Miroslav Lajçak dhe përfaqësuesi i lartë i BE-së, Josep Borrell.
Ky është takimi i parë ndërmjet kryeministrit Kurti dhe Presidentit Aleksandër Vuçiç. Para takimit mes të gjitha palëve, Borrell dhe Lajçak kanë zhvilluar takime të ndara me Kurtin dhe me Vuçiçin.
Përfaqësuesi i Lartë i Bashkimit Evropian për Politika të Jashtme dhe Politika të Sigurisë, Josep Borrell ka folur para takimit dhe ka thënë: “Sot, së bashku me përfaqësuesin e posaçëm të Bashkimit Evropian, Miroslav Lajçak, ne do të mbajmë një takim të ri të nivelit të lartë të dialogut mes Beogradit dhe Prishtinës. Mua më vjen mirë që kjo po ndodh në të njëjtën kohë kur Bashkimi Evropian do të takohet me presidentin Biden, këtu në Bruksel”./Opinion.al
