Arta Marku ka marrë sot zyrtarisht detyrën si Prokurore e Përgjithshme e përkohshme. Ajo u shoqërua në Prokurori nga shefi i kabinetit të Kuvendit, Genci Gjonçaj. Në zyrë e priti Adriatik Llalla i cili sot mbylli punën në krye të akuzës pas një mandati 5 vjeçar. Por, 5 minuta pas takimit me Llallën, Kryeprokurorja e re i është drejtuar Kryesisë së Kuvendit.
Ndryshe nga dje, ku iu lexua qartë stresi që perjetoi teksa betohej në kushte lufte, sot është shfaqur e qeshur në aktivitetin e organizuar nga Ruçi. Arta Marku është ulur krahas drejtuesve të institucioneve të pavarura dhe në mes të Guvernatorit të Bankës, Gent Sejko dhe Avokates së Popullit, Erinda Balanca.
Kjo eshte dalja e pare publike e kryeprokurores pas marrjes se detyres.
