Në seancën e fundit të parlamentit Ben Blushi si i vetmi opozitar në salla ka protestuar për zgjedhjen e Metës-President. Deputeti i LIBRA-s kishte sjellë në Kuvend një bluzë ku shkruhej anglisht: “Don’t Like republic” (Nuk me pëlqen Republika e Likes).
Ai shpjegon votën kundër Ilir Metës: “E para besoj se Presidentin duhet të zgjidhte populli dhe kam 10 vetë që e them, të ishte populli ai që kishte mundësi të zgjidhte, ja hoqët popullit se keni frikë. Dhe e dyta që duhet të them që ishte kohë krize dhe njeriu që pretendohej se do bënë më shumë se kushdo, nuk bëri asnjë gjë, mori të vetmin vend punë dhe u bë President. Por, ky nuk jep asnjë garanci se në 5 vitet e ardhshme do të ketë balance.
U bëre President i Republikës. Në cilën? Në atë që nuk bën dot zgjedhje të lira, në atë që ka bllokuar zgjedhjet, në atë Republikë ku askush nuk ndëshkohet dhe kjo është arsyeja pse votova kundër. Nuk bën dot zgjedhje, nuk ndëshkon dot askënd, kjo është situata në të cilën gjendet vendi.
“A e dini çfarë peshe i keni vënë Shqipërisë? Kjo e fundit është më keq se në 2013 -ën, ka më pak fëmijë që shkojnë në shkolla, integrimi është bllokuar, ky parlament nuk ka funksionuar dhe do mbahet mend si parlamenti me më shumë kriminelë”, tha Blushi
Sakaq në fund ai e mbylli fjalimin në parlament me shprehjen : Suksese në fushatë atyre që janë të angazhuar dhe suksese në jetë atyre që u hoqën nga listat.
