Parlamenti po vazhdon punimet, teksa në foltore diskutojnë deputetët e PD dhe LSI me argumentet e tyre kundër shembjes së teatrit. Theksojmë se gjatë paradites u zhvillua një protestë, por më pas aktorët dhe qytetarët u shpërndanë dhe para parlamentit kanë mbetur një grusht njerëz që presin jashtë. Nga salla e parlamentit, vijnë pamjet ku duket se janë larguar kryeministri dhe gjithë anëtarët e kabinetit. Po kështu mungon Ruçi, ndërsa seancën e drejton Vasilika Hysi.
Jashtë parlamentit, janë fotografuar furgonët e FNSH-së ku zbarkojnë një numër i konsiderueshëm efektivësh. Nuk dihet arsyeja për sa kohë nuk ka asnjë njoftim për protesta apo trazira të pritshme. Gjithsesi mbetet për të parë deri në fund veprimet e aktivistëve apo deputeteve te PD derisa parlamenti te hedhe ne votim ligjin per shembjen e teatrit kombetar. /Opinion.al
