Në kuadër të mbledhjes së firmave për të hyrë në zgjedhjet e 18 qershorit, Ben Blushi dhe partia e tij Libra kanë filluar të mbledhin firmat që nevojiten.
Në një foto të fundit të publikuar, Blushi duket në shoqërinë e aktori të humorit Agron Llakaj duke firmosur.
“ME TË MADHIN AGRON LLAKAJ. FIRMOS PËR LIBRA NË ZGJEDHJE”
Më herët Ben Blushi ka akuzuar Komisionin Qendror të Zgjedhjeve se po tenton të nxjerrë partinë e tij jashtë zgjedhjeve të 18 qershorit përmes një udhëzimi që ndryshon rregullat për kandidimin e partive politike.
KQZ ka propozuar një udhëzim sipas të cilit data referencë e regjistrimit nuk është dita e zgjedhjeve, por dita e dorëzimit të listave të deputetëve. Pra jo 18 qershori, por 28 prilli.
Udhëzimi i ndryshuar, mes të tjerash, parashikon që partitë politike që nuk zotërojnë mandate në Kuvend, për të garuar në zgjedhjet e reja duhet të mbledhin 5 mijë firma nga zgjedhësit.
