Personi në foto është Ermal Muzhaqi, 27 vjeç, oficeri i ushtrisë i cili u përfshi në sherrin e ndodhur mesditën e sotme në Vorë.
27-vjeçari qëlloi me armën e shërbimit shtetasin Ergest Hoxha, pasi ky i fundit i plagosi vëllain me thikë.
Policia raportoi se shtetasi Ergest Hoxha, 34-vjeç, goditi me thikë në krah shtetasin Kidi Muzhaqi, i cili ishte pasagjer në makinën që drejtohej nga vëllai i tij, shtetasi Ermal Muzhaqi, oficer ushtrie.
Pasi Hoxha goditi vëllain e tij, oficeri nxori armën e shërbimit dhe qëlloi mbi 34-vjeçarin, duke e lënë të plagosur.
Pas ngjarjes, oficeri i ushtrisë u vetëdorëzua në polici bashkë me armën e shërbimit, ndërsa dy personat e plagosur ndodhen në spital.
