Italiani Giorgio De Serio është një prej katër personave që humbën jetën nga aksidenti i rëndë në Velipojë, një ditë më parë.
Mediat italiane raportojnë se 25 vjeçari ishte pronar i një kancelarie në Bari. Giorgio De Serio kishte mbërritur në Shqipëri pasditen e të hënës nga porti i Durrësit, ku edhe kishte postuar një foto me mbishkrimin ‘Mirësevini në Shqipëri”.
Përpara aksidentit tragjik, Giorgio De Serio ka postuar një foto në rrjetet sociale mbi të cilën shkruan: Po dal, mbrëmje të këndshme.
Aksidenti ndodhi kur ai po kthehej në hotel bashkë me tre person të tjerë, dy prej të cilëve do të bënin edhe dasmën e tyre në 14 gusht.
