Aldison Belulaj, 23-vjeç, lindur në Fier, është autori që tronditi këtë të dielë kryeqytetin.
Mësohet se Belulaj pranë Fakultetit të Mjekësisë ndali në rrugë vajzën që dashuronte, e cila kishte refuzuar kërkesën e tij për lidhje, ndërsa dyshohet se pas një grindjeje ka nxjerrë amrën dhe ka qëlluar ndaj 21-vjeçares, Ariela Murati, e cila ndërroi jetë në spital.
Më pas, me të njëjtën armë në vendngjarje i riu qëlloi edhe veten me plumb në gojë, por duke mbetur i plagosur rëndë, ndërsa ndodhet në gjendje kritike për jetën në reanimacionin e spitalit.
Gazeta Panorama ka publikuar disa foto të 23-vjeçarit, ndërsa mësohet se kohët e fundit kishte filluar edhe punë si infermier.
