TIRANE- Personi në foto është Admir Dervishi 29 vjeç. Mëngjesin e sotëm punonjësi i Gardës ka vrarë me armën e punës, gruan e tij 28 vjeçaren I.Dervishi. Policia thotë se shkak i ngjarjes së rëndë është bërë xhelozia e Admirit për të shoqen.
Njoftimi i Policisë
Më datë 06.04.2016, rreth orës 07:10, në rrugën e “Qelqit”, tek pallatet Derveni, Kombinat, ka mbetur e plagosur me armë zjarri shtetasja I. Dervishi, 28 vjeçe, e cila ndërroi jetë në Spitalin e Traumës.
Policia ka shkuar menjëherë në vendin e ngjarjes dhe ka bërë të mundur neutralizimin dhe shoqërimin e autorit të dyshuar, bashkeshortin e saj , shtetasin Admir Dervishi, 29 vjeç, Punonjës i Gardës.
Nga hetimet paraprake dyshohet se arsyje e kësaj ngjarje është konflikt në familje për arsye xhelozie.
