Personi në foto është biznesmeni i ndërtimit, Eduart Reçi, i cili u ekzekutua mbrëmë me një plumb në kokë, pranë banesës së tij.
Biznesmeni 52-vjeçari Eduart Reci u qëllua me një plumb në kokë, teksa po dilte nga një lokal në afërsi të “Rrugës së Elbasanit” në Tiranë.
Ai u dërgua në spitalin e Traumës pasi u plagos, por ndërroi jetë gjatë natës.
Raportohet se autorët e krimit e kanë pritur derisa Eduart Reçi të dilte nga banesa dhe e kanë qëlluar, dyshohet, nga distanca.
Biznesmeni i ndërtimit, i cili dikur ka qenë punonjës i SHISH, mori një plumb të vetëm në kokë.
Paraprakisht thuhet se viktima ishte duke folur në telefon në momentin që është qëlluar me armë zjarri, ku një kamera sigurie e tregon atë teksa rrëzohet.
kamerat e sigurisë kanë filmuar vetëm momentin kur viktima është qëlluar me plumb dhe është rrëzuar në tokë, por jo atentatorët.
Biznesmeni është baba i dy fëmijëve, ndërsa familjarët kanë deklaruar se nuk kanë pasur konflikte dhe nuk është i skeduar për policinë.
