Autori i sulmit të ndodhur mbrëmjen e së hënës në Manchester ishte Salman Abedi, 22 vjeç me origjinë nga Libia. Ai kreu një sulm kamikz ku si pasojë i mori jetën 22 personave dhe plagosi 59 të tjerë. Salman Abedi ka rënë nën ndikimin e terroristëve gjatë kohës sa kishte shkuar në Libi për të vizituar disa të afërm të tij.
Salman Abedi është lindur dhe rritur në Britani, edhe pse familja e tij është me origjinë nga Libia, vend i cili ky i fundit ka shkuar shpesh kohët e fundit. Gjatë kontrollit të shtëpisë së tij, aty u gjet mes tjerash, edhe një libër bazik për substancat kimike, të cilat ai mund t’i ketë përdorur për prodhimin e bombave.Ndërkohë, Kryeministrja britanike Theresa May ka ngritur nivelin e alarmit në maksimum, duke nxjerrë ushtrinë në rrugë për të asistuar në ofrimin e sigurisë.
