Ky është i riu shqiptar Xhuliani Këlliçi që humbi jetën mbrëmjen e së shtunës në një aksident në Treviso të Italisë.
Në këtë aksident, humbën jetën dhe tre miq të shqiptarit.
Ndërkohë, mediat italiane shkruajnë se Xhuljano jetonte në Cordingano dhe ishte pjesë e një ekipi futbolli në rolin e portierit.
Kujtojmë se aksidenti tragjik ndodhi në orët e para të mëngjesit në Itali në zonën e Trevisos ku humbën jetën katër të rinj, mes tyre dhe 19-vjeçari shqiptar.
Mediat italiane bëjnë me dije se ngjarja ndodhi pak para orës 2.10 të mëngjesit të 14 gushtit, në rrugën Godega di Sant’Urbano.
Bëhet me dije se teksa po merrte kthesën, makina tip “Volksëagen Polo”, ku udhëtonin 4 të rinjtë ka rrëshqitur dhe ka dalë nga rruga duke u përplasur me një pemë. Pas përplasjes automjeti përfundoi i përmbysur në një kanal kullimi.
Aksidenti rezultoi të ishte fatal për katër të rinjtë, të cilët po ktheheshin në shtëpi me makinë.
Ishin banorët e zonës të cilët të zgjuar nga zhurma, telefonuan policinë. Por për djemtë nuk kishte çfarë të bënin. Zjarrfikësit nxorën trupat e pajetë, ndërkohë policia vijoi hetimet për të zbardhur shkaqet e aksidentit./Opinion.al
