Operacioni Force Ligjit i kërkoi sot deklarimin e burimit të pasurisë, 4 personave në Shkodër. Vëllezërit Lici dhe Cafi kanë qenë në shënjestrën e OFL-së si pasojë e të shkuarës së tyre të lidhur me veprimtari kriminale.
Muhamet Lici dhe dhe Ibrahim Lici janë djemtë e Mustafa Licit, ish-anëtar i Këshillit Bashkiak të Shkodrës. Ibrahim Lici ka qenë i arrestuar së bashku me vëllanë e tij, Muhamet Lici në mars të 2017 pasi drejtonin një grup kriminal që u vendosnin gjoba tregtarëve të Zdrales në Shkodër. Ky i fundit ndodhet në paraburim dhe pret gjykimin. Vëllai i tij u lirua por është në kërkim. Ai dyshohet si autori i vrasjes së 2 vëllezërve Astrit dhe Ibrahim Bilalit.
Edhe dy vëllezërit Bledar e Gëzim Cafi kanë të shkuar kriminale. Gëzim Cafi është kapur dhe dënuar në Francë ndërsa Bledar Cafi është i njohur edhe si “i forti” i Shkodrës. /Opinion.al
