Mediat italiane kanë shkruar sot për rastin e Migenës, vajzës 30-vjeçare që u vra sot me thikë nga bashkëshorti 37-vjeçar. Ngjarja ka ndodhur në Goriza ku çifti shqiptar jetonte prej vitesh, pasi kishte marrë qytetarinë italiane.
Republica shkruan se në shtëpi në momentin e krimit ndodhej edhe djali 8-vjeçar i çiftit i cili ndodhej në dhomën tjetër në kohën që prindërit kanë nisur të diskutojnë. Në debat e sipër, babai ka marrë një thikë nga kuzhina dhe ka qëlluar mbi gruan 30-vjeçare.
Më pas ka thirrur karabinierët: “Hajdeni, kam vrarë gruan”.
Nga sa mësohet Migena ishte ajo që mbante familjen, që kur i shoqi humbi punën disa muaj më parë. Që nga ajo kohë grindjet dhe problemet në shtëpi ishin shtuar, deri në momentin e tragjedisë.
