Kanë kaluar më shumë se gjashtë muaj që prej lajmit të bujshëm të ndarjes së çiftit Jolie-Pitt. Pas polemikave të shumta që shoqëruan divorcin e tyre, duket se dyshja po përpiqët të rifillojë jetën me persona të tjerë.
Muajin e kaluar gjatë qëndrimit të aktores në Kamboxhia, ajo është parë me një djalë misterioz që e shoqëronte nga afër. Në fotot e publikuara nga “Radar Online” Angelina dukej në gjendje të mirë shpirtërore ndërkohë që ka qëndruar bashkë me të dashurin e supozuar në një hotel luksoz.
Aktorja e “Maleficent” ishte e veshur me një fustan të zi, ndërsa mashkulli që e shoqëronte ishte i veshur me një këmishë të bardhë dhe pantallona bezhë.
