Kujtim Gjuzi, kryetari i Partisë Konservatore, i cili aktualisht është deputet i Kuvendit të Shqipërisë pas djegies në bllok të mandateve nga ana e opozitës, gjithmonë ka tërhequr vëmendjen e mediave, si për veshjen apo për deklaratat e tij.
Ditën e sotme, gjatë seancës plenare, Gjuzi është paraqitur orën prej floriri e stolisur me gurë të çmuar. Në rast se kjo orë është origjinale, ajo e kalon disa herë shifrën e rrogës që ai merr si deputet.
Kujtojmë që vetëm pak kohë më parë. deputeti i opozitës së re u filmua teksa hante byrek në një automjet modest, ndërkohë që muaj më vonë ka bërë paraqitje me makina të gjeneratës së fundit./ Opinion.al
