Sot ishte dita e dytë kur në kuadër të festave të nëntorit, Kuvendi i Shqipërisë ka pritur qindra qytetarë nga e gjithë Shqipëria. Zyra e shtypit ka shoqëruar vizitorët duke i informuar mbi funksionimin e Parlamentit.
Kureshtja i shtyu për të parë nga afër sallën e “betejave” parlamentare, por qytetarët nuk e kursejnë fjalorin për të zgjedhurit e tyre.
Pritshmërinë për përfaqësimin në Parlament mesa duket nuk janë të duhurat ndaj dhe në librin e përshtypjeve epitetet janë nga më të shumëllojshmet.kom4
“BalkanWeb” ka mundur të zbardhë disa prej mendimeve të qindra qytetarëve, të cilët vizituan pasditen e sotme sallën e seancave plenare në kuadër të festave të 28-29 Nëntorit.
“Hajdutë, kriminelë, trafikantët më të bukur që ka pasur ndonjëherë populli. Jeni dele të udhëhequra nga një gomar” shkruan një i ri.
Dikush tjetër preferon të japë një këshillë: “Ashtu siç është kjo sallë e bukur dhe plot kulturë, duhet të jenë dhe deputetët që gjer tani nuk e meritojnë ketë sallë”.
“Vend shumë i bukur për të mbajtur plehrat me radioaktivë të këtij populli mjeran. Pastë fatin tonë”, shkruan dikush tjetër.
