Krim në familjen shqiptare në Greqi. Sipas mediave helene një 48-vjeçar është vrarë nga djali i tij. Ngjarja e rëndë ka ndodhur në Agios Athanasios të Selanikut, pasditen e së shtunës.
Policia greke thotë se në pranga është vënë djali 20-vjeçar. Ky i fundit është përleshur me të atin dhe më pas e ka goditur me sende të forta.
Referuar mediave greke, thuhet se burri shqiptar u gjet i mbuluar nga gjaku pranë një sheshi lojrash në zonë.
Thestival.gr shkruan se fytyra e 48-vjeçarit shqiptar kishte dëmtime të shumta dhe sipas autoriteteve kjo tregon sulmin mizor që është bërë nga djali.
