Një ngjarje e rëndë u shënua sot paradite në qytetin e Lezhës. 28 vjeçarja, Etleva Ndoka, është qëlluar me armë zjarri brenda ambienteve të parukerisë së saj. 28 vjeçarja ishte nënë e një djali të mitur. Ajo mori plagë të rëndë dhe u dërgua në gjendje të rëndë në spital, ku dhe humbi jetën.
Dëshmitarët kanë parë një person të armatosur që dilte me vrap nga parukeria. Më vonë policia tha se është identifikuar autori i krimit dhe është shpallur në kërkim. Ai është Alfred Nikolli, 31 vjeç, banues në Lezhë. Janë ngritur postoblloqe në hyrje-daljet e qytetit por autori nuk është arrestuar ende. Paraprakisht, thuhet se ngjarja ka ndodhur për motive të dobëta, por ende nuk dihet se çfarë e ka shtyrë Nikollin të shkrehë armën ndaj gruas së re, nënë e një fëmije. /Opinion.al
