Njohja e vogëlushit Roan ishte një gjest që e prisnin të gjithë nga Majk, i cili deri dy ditë pas lindjes së vogëlushit kishte qëndruar gjithmonë në heshtje për atësinë. Por edhe pse tashmë është një baba i lumtur e krenar nuk do të thotë që reperi është rikthyer me ish të dashurën.
Pavarësisht aludimeve të medieve, historia e Majk me Majlinda Zekën ka përfunduar dhe nuk ka rikthim pas. Në jetën e reperit duket se tashmë ka hyrë një femër tjetër, e cila gjithashtu është e famshme. Thashethemet më të fundit rrëfejnë se Majk ka nisur romancën me modelen e videoklipit të tij “Katile”. Reperi ka publikuar edhe një foto me të, ku duken mjaft të afërt në rrjetet sociale.
Vajza në fjalë quhet Valbona Bajraktari dhe është bërë e njohur për publikun disa vite më parë, kur na u prezantua si e dashura e një prej konkurrentëve të edicionit të pestë të “Big Brother”, Elvis Gjinit.
Ajo është gjithashtu edhe një nga modelet më të komentuara në Kosovë.
