Ambasada e Izraelit në SHBA ka ndarë foton e dy punonjësve të saj, të cilët u vranë si pasojë e të shtënave në Washington, duke i identifikuar ata si Yaron dhe Sarah.
Në një postim në rrjete sociale, ambasada thotë se çifti ishin “miqtë dhe kolegët tanë” dhe në “kulmin e jetës së tyre”.
Mësohet se Yaron dhe Sarah do të fejoheshin së shpejti dhe djali sapo kishte blerë unazën për propozim për bashkëshorten e tij.
“I gjithë stafi i ambasadës është zemërthyer dhe i shkatërruar nga vrasja e tyre.
Asnjë fjalë nuk mund të shprehë thellësinë e pikëllimit dhe tmerrit tonë për këtë humbje shkatërruese. Zemrat tona janë me familjet e tyre dhe ambasada do të jetë pranë tyre gjatë kësaj kohe të tmerrshme”, shkruan ambasada në rrjetin social “X”.
Pas vrasjes kryeministri i Izraelit, Benjamin Netanyahu udhëzoi misionet jashtë vendit që të shtojnë masat e sigurisë.
