Deputeti i Partisë Demokratike, Belind Këlliçi ka denoncuar ditën e sotme se kryeministri Edi Rama se do u marrë shqiptarëve 4.3 miliardë lekë për një instalacion me dru.
Teksa poston një foto në profilin e tij në “Facebook”, Këlliçi shkruan se ky instalacion është thjesht një emër për të përligjur shpërdorimin e parave.
Më tej deputeti thotë se paratë që do të investohen për këtë objekt janë të barabarta me rreth 44 mijë ndihma ekonomike.
Ndër të tjera, ai thotë se nuk ka drejtësi t’i tregojë vendin kryeministrit Edi Rama dhe se askush nga SPAK nuk merr guximin ta hetojë.
“Kopshti i Edit
Edi, “pronari” i kryeministrisë, do u marrë shqiptarëve 4,3 miliardë lekë për këtë gjënë me dru që e quan instalacion. Sajon një emër për të përligjur shpërdorimin e parave.
4.3 miliardë lekë janë rreth 44 mijë ndihma ekonomike.
Po ç’i duhen Edit këto? Ai ka kopshtin e tij. Pse, rroga e pensione do i bëjë Edi këto para? Ka një mandat të tretë për të vjedhur. Drejtësi t’i tregojë vendin, nuk ka. Askush në SPAK nuk merr guximin ta hetojë.
Vetëm vota e largon Edin nga xhepat e shqiptarëve”, shkruan Këlliçi./Opinion.al
