Këto janë pamjet që vijnë tashmë disa orë pas ngjarjes së rëndë të ndodhur në Tiranë, ku u qëllua me breshëri armësh godina e Top Channel dhe si pasojë ndërroi jetë roja i sigurisë Pal Kola, 60 vjeç.
Sikurse duket në fotobkangjellat rrethuese të objektit janë shpuar tej për tej nga plumbat e kallashnikovit.
Kujtojmë se sipas policisë ngjarja ndodhi rreth orës 01:00. Persona të paidentifikuar u afruan pranë Top Channel me një automjet tip ‘Range Rover’ me targa të vjedhura dhe qëlluan me breshëri kallshnikovi kundrejt ambienteve të televizionit. Një nga plumbat kapi rojen e sigurisë, Pal Kola, 60 vjeç, i cili ndërroi jetë.
Autorët pas ngjarjes janë larguar në drejtim të Golemit përmes autostradës e ku më pas dogjën edhe automjetin që përdorën, tip Range Rover me targa të vjedhura.
Policia në brendësi të automjetit gjeti dy kallashnikovë, të cilët dyshohet se janë përdorur në ngjarje.
