Kush e di se për çfarë ka qenë duke menduar Justin Timberlake kur ka publikuar selfie nga qendra e votimit në Memphis, Tennessee.
Këngëtari fluturoi nga Los Angeles në Memphis për të votuar për zgjedhjet presidenciale. Këtë moment ai e ka ndarë me fansat dhe i ka inkurajuar ata të dalin të votojnë në votimet paraprake.
Edhe pse autoritetet e kanë vlerësuar shembullin e tij, të bësh foto apo video brenda qendrës së votimit është kundër ligjit.
Sipas gazetës lokale të Memphis, zyrtarët nuk do të merren me incidentin. “Askush në zyrën tonë nuk po e heton këtë çështje dhe nuk do përdorim burimet tona për këtë”, ka thënë drejtuesja e distriktit Amy Weirich. Votuesit në disa shtete të SHBA kanë nisur të votojnë më herët, por dita e zgjedhjeve është 8 nëntori.
Pas gjithë kësaj historie, Justin Timberlake ka zgjedhur ta shuaj foton.
