Joleza Koka është ish kryetarja e forumit rinor të Partisë Socialiste, e cila së fundmi është zgjedhur të jetë pjesë e një delegacioni që po ndjek nga afër fushatën e Hillary Clinton në zgjedhjet presidenciale të Amerikës. Ditën e sotme ajo ka shpërndarë një foto nën të cilës shkruan se telefoni që mban në dorë është përdorur për herë të parë në vitin 2008, në kohën kur Obama kandidonte për mandatin e parë presidencial. Joleza nuk është ndalur me kaq, dhe ka bërë lidhjen e kësaj më ato çfarë ndodhin në Shqipëri.
“Sa e paimagjinueshme është ti lesh zyrat e shtetit ashtu si i la qeveria Berisha në ikje.”- ka shkruar ajo duke justifikuar kështu punën që ka bërë qeveria Rama mandatin e parë.
Por ajo çfarë bie më tepër në sy është sulmi që ajo i bën paraardhëses së saj në FRESSH, Elisa Spiropalit, duke e akuzuar se ajo grupet pranë saj e lanë forumin pa asnjë listë anëtarësie.
Ky është statusi i Joleza Kokës në Facebook:
“Telefoni i fushatës që po përdor sot është shumë i vjetër. Në fakt qenka telefon i përdorur për herë të parë në 2008 në fushatën ku fitoi Obama për herë të parë.
I gjithë koncepti i vazhdimësisë është me shumë rëndësi për shtetformimin. Kushdo që vjen më pas e pasuron të tërën, nuk harxhon kohë dhe energji për ta ndërtuar nga fillimi.
Sa e paimagjinueshme është ti lesh zyrat e shtetit ashtu si i la qeveria Berisha në ikje. Mbaj mend gjithashtu dhe sa të vështira ishin fillimet në fressh, që veç se nuk gjetëm asnjë listë anëtarësie nga ekipi i kaluar edhe zyra ishte boshatisur.
Jam pa fund krenare që ekipi i ri ka mundësi të lulëzojë në një tokë të shëndetshme tani :))) dhe kryetari i ri nuk do të ketë më pengesa banale.”
