Duke filluar nga piramidat antike, e deri te monumentet që konsiderohen si të humbura, ekzistojnë shumë monumente antike, të cilat kanë zgjuar debat të madh midis shkencëtarëve
Göbekli Tepe
Nuk ka dyshim se Göbekli Tepe është njëri ndër monumentet më enigmatike dhe misterioze që ka ekzistuar ndonjëherë në botë. Ky lokalitet antik gjendet në Turqi, në afërsi të kufirit me Sirinë. Rrathët megalitikë të gurëve besohet të jenë pjesë e tempullit më të vjetër të ndërtuar ndonjëherë nga njerëzit, që është më i vjetër edhe se Stonehenge në Angli për disa mijëra vjet.
Biblioteka antike e nëndheshme në Egjipt
Njëri ndër zbulimet e shumta që, për një arsye të panjohur, është lënë anash nga shoqëria, është biblioteka antike e nëndheshme e Egjiptit, që gjendet më pak se 100 kilometra nga Kajroja. Ky tempull antik përbëhet nga 3000 dhoma për të cilat besohet se kanë përmbajtur dokumente të shumta të shkruara me hieroglife dhe ku ka pasur shumë piktura, të cilat kanë treguar një histori më të vjetër sesa historia jonë e shkruar.
Teotihuacan, një kala më e vjetër sesa perandoria azteke
Teotihuacan me gjasë është qyteti më i madh antik në Amerikën e mesme, ku gjenden disa nga ndërtesat më të mëdha dhe më të jashtëzakonshme që janë ndërtuar ndonjëherë në këtë pjesë të botës. Por, askush nuk e di emrin e tij origjinal, e as që dihet se kush e ndërtoi këtë kompleks madhështor antik. Edhe pse disa arkeologë mendojnë që Teotihuacan ishte ndërtuar rreth vitit 100 para erës së re, nuk ka asnjë burim që e përmendë këtë qytet para perandorisë azteke.
