TIRANE- Ky është rasti i dytë brenda javës që jeta e fëmijëve në institucionet arsimore publike vihet në rrezik. Pas kopshtit nr.45 në zonën e Selitës, automati ka shpërthyer edhe në shkollën Emin Duraku, në Tiranë të Re. Flakët u përhapën me shpejtësi në korridorin e shkollës. Mësuesit arritën të nxjerrin nxënësit pa u dëmtuar. Shkak është bërë rrjeti i amortizuar elektrik. Të gjitha shkollat publike të Tiranës janë pas sistem ngrohje. Në këto ditë me shi, mësuesit tentojnë të ndezin rezistenca për të tharë fëmijët, por rrjeti nuk e mban ngarkesën. Askush nuk ka mbajtur përgjegjësi deri tani për këtë situatë të vështirë që po kalojnë shkollat publike të kryeqytetit.
*foto nga zjarri në shkollën 9 vjeçare Emin Duraku, Tiranë
