Kryetari i opozitës Lulzim Basha ka dalë sot në rrugët e Tiranës ku ka takuar qytetarë dhe pronarë biznesesh të vogla.
Edhe një herë ai ka theksuar situaten e vështirë ekonomike duke akuzuar qeverinë se i ka lënë pa ndihmë bizneset gjatë krizës së pandemisë. Sipas tij shumë prej tyre rrezikojnë të mbyllen nga mos veprimi i qeverisë.
Bie në sy se gjatë takimeve Basha shihet me maskë në fytyrë dhe përshëndet me brryl qytetarët. Dhënia e dorës është një nga përshendetjet që duhet të evitojmë më shumë sipas direktivave të OBSH dhe duket se kreu i opzitës e ka respektuar me përpikmëri distancimin social.
Statusi i plotë i Lulzim Bashës
Pjesa më e madhe e qytetarëve që takoj në Tiranë i kanë respektuar rregullat e higjenës dhe të distancimit social. Megjithatë shqetësim serioz mbetet situata ekonomike e rënduar nga pandemia e COVID-19. Janë të shumtë qytetarët që nuk kanë marrë asnjë lek ndihmë për kohën e kaluar mbyllur në shtëpi. Edhe bizneset përballen me vështirësi të mëdha. Mungesa e ndihmës rrezikon mbylljen e shumë prej tyre ndërsa të shumtë janë dhe ata që janë detyruar të heqin të punësuar nga listpagesat.
Qeveria Rama i la pa ndihmë shumicën e qytetarëve dhe bizneseve. Rinisja e aktivitetit normal është shumë e vështirë për ta tashmë që veç faturave dhe taksave të larta, përballen me uljen e numrit të blerësve dhe ankthin për të ardhmen e pasigurt.
Xhepat e shqiptarëve janë shkundur nga pandemia ekonomike e qeverisë Rama. Asnjë formë propagande dhe cirku qeveritar nuk e fsheh dot pasigurinë dhe varfërinë e tejskajshme që po pllakos në familjet shqiptare. /Opinion.al
