Lisand Ruzhdija, 27 vjeç (në foto) është personi që dyshohet se në bashkëpunim me dajën e tij të ketë vrarë dhe më pas masakruar një 46-vjeçare marokene në Verona.
Ngjarja sipas mediave italiane mësohet se është zbuluar me datën 30 Dhjetor. Vdekja e Kadjia Bencheikh (Hatixha Bensheik) 46 vjeç, është shkaktuar nëpërmjet goditjes me sende të forta në kokë.
Nga policia italiane, Agim Aidinaj akuzohet se e ka vrarë dhe ndarë me një sharrë elektrike në 10 pjesë trupin e marokenes. Nipi i tij, Lisand Ruzhdija dyshohet se ka marrë pjesë në shkatërrimin e kufomës dhe ka bërë më pas transportin e pjesëve të trupit në fshatin e Valeggio në lokalitetin Gardoni.
Pas kontakteve me homologët italianë policia shqiptare i konfirmoi Klan Plus se bëhet fjalë për shtetasit shqiptar Agim H. Ajdinaj,51 vjeç, nga Patosi dhe nipi i tij Lisand S.Ruzhdija, 27 vjeç, nga Patosi, me qëndrim të përkohshëm në Verona.
46-vjeçarja jetonte në Itali prej më shumë se 20 vitesh ku ka punuar si kujdestare dhe si pastruese. Agim Ajdinaj ishte bashkëjetuesi i saj prej 1 viti pasi marokenia ishte ndarë nga burri i saj prej 9 vitesh. Ngjarja po hetohet në pistën e mosmarrëveshjeve në çift mes 51-vjeçarit nga Patosi dhe viktimës.
Sipas të njëjtave të dhëna Kadjia Bencheikh ishte zhdukur që para krishtlindjeve. Pjesët e trupit të saj u gjet mesditën e datës 30 Dhjetor nga një banore e zonës teksa shëtiste me kalë.
