Mbrëmjen e djeshme, një 73 vjeçar goditi për vdekje me sëpatë gruan e tij 68 vjeçare, pranë një kompleksi turistik në Golem të Kavajës.
Shkak i krimit të rëndë kanë qenë zënkat mes çiftit për tradhëti. Por ndryshe nga sa ka deklaruar në polici vetë autori, se e vrau gruan pasi e kishte mbushur kupën, se ajo e kishte tradhëtuar dhe i kërkonte atij llogari, krejt e kundërta është e vërteta.
Ata janë zënë për tradhëtitë që bënte 73 vjeçari. Ky i fundit, autor i krimit kishte gjithë jetën që e tradhëtonte të shoqen dhe për këtë arsye ata ziheshin shpesh.
Madje mësohet se ata ishin ndarë disa herë për këtë fakt por kanë qenë djemtë që i kanë pajtuar dhe janë rikthyer bashkë.
Kjo është Shazivare Dervishi, jeta e së cilës mori fund mbrëmjen e djeshme.
