2015 ka qënë një vit i mbarë për gratë në politikë. Dhe për këtë shembuj ka në shumë vende të botës.
Duke nisur me zgjedhjet e Majit në Britani, pas të cilave një në tre anëtarë të të parlamentit është femër dhe anëtarja më e re që prej vitit 1667 është një vajzë 20 vjecare, Mhairi Black.
Një sukses tjetër në sfondin e barazisë gjinore vjen nga Kanadaja, aty ku Kryeministri Justin Trudeau krijoi një Kabinet të barabartë, me 15 meshkuj dhe 15 femra.
Ja cilat janë gratë që lanë gjurmë në historinë e vitit 2015:
Mhairi Black
Kjo vajzë ishte vetëm një punëtore e thjeshtë në një dyqan peshku para se të shndërrohej në anëtaren më të re të Parlamentit. FJalimi i saj i parë u ndoq nga më shumë se 11 milion herë në vetëm një ditë, duke frymëzuar mbarë kombin.
Michelle Obama
Këtë vit ajo nuk ka rënë në sy për rolin si zonjë e parë, apo duke shoqëruar burrin e saj në aktivitetet politike, por për një stil të ri në jetën e saj publike. Ajo është shfaqur duke bërë rep, duke kërcyer dhe promovuar kauza të rëndësishme. Përmes mesazheve që ka përcjellë, ajo ka frymëzuar me qindra e mijëra vajza në të gjithë botën.
Aung San Suu Kyi
Kjo gjyshe 70 vjecare është ende ikona e botës për demokracinë.
Në 2015, ajo drejtoi partinë e saj (Ligën Nacionale për Demokraci) drejt fitores në zgjedhjet e kontestuara për herë të para në Burma të Myanmar.
Triumfi i saj erdhi pesë vite nga dita e lirimit të saj prej një arresti shtëpiak 15 vjecar.
Malala Yousafzai
Malala është një 18 vjecare jo e zakontë. Ajo u godit në kokë nga talebanët teksa shkonte për në shkollë në Pakistan. Që prej asaj kohe u shndërrua ne promovuese të edukimit të gravë në mbarë botën. Fjalimet e saj në OKB kanë emocionuar lidera botërorë dhe këtë vit ajo u kthye në fituesin e Cmimit Nobel në moshë më të re.
Ruth Davidson
Ajo ka ditur të krijojë personalitetin e vet në politikën skoceze. Aktualisht është lidere e partisë Konservative Skoceze dhe anëtare e parlamentit gjithashtu. Shquhet për cilësi të lidershipit dhe njihet si gruaja që me fjalimet e saj e bën David Cameroon “për dush të ftohtë”.
