Opinion.al sjell foto nga burgu i Shënkollit në Lezhë aty ku në orët e pasdites u shënua një ngjarje tejet e rëndë. “Ka tension”, thonë dëshmitarët. Të burgosurit që u lanë për dy orë në oborr shajnë dhe bërtasin të revoltuar për mënyrën se si trajtohen në burg dhe për faktin se shokët e tyre u lanë të digjeshin në dhomë.
Nga fotot shohim se familjarë të shumta kanë shkuar të interesohen për të afërmit e tyre që vuajnë dënimin.
Sot pasdite një nga dhomat mori flakë. Për pasojë një i paraburgosur vdiq dhe 8 të tjerë janë plagosur. Policia nuk ka dhënë ende asnjë infomacion, por nga burimet kemi mësuar se ngjarja e erdhi si pasojë e një konflikti mes të burgosurish.
Disa syresh (ende të paidentifikuar) kanë hedhur një bombul gazi në dritaren e dhomës nr. 8 të katit të dytë të godinës së burgut. Për pasojë kanë shpërthyer flakët. Po sipas dëshmive, gardianët kanë ndërhyrë me 40 minuta vonesë, çka ka çuar edhe në humbjen e një jete.
Më për tepër lexo më poshtë:
Dëshmi nga burgu i Lezhës: 1 i vdekur, 8 të plagosur
Video/ Zjarri në burg, gardianët i lënë të burgosurit të digjen
