Diedoni, ish-banori i Big Brother 8, i cili përjetoi një lidhje dashurie me Albën, një tjetër banore e atij viti, ka rrëfyer se ka qenë në një marrëdhënie me Sidritën, banoren e këtij viti të Big Brother.
Ditët e fundit në rrjete sociale, ka dalë një foto e publikuar nga Artistët Shqiptarë, ku Diedoni duket me Sidritën në një pozë romantike me njëri-tjetrin.
Por pavarësisht kësaj fotoje, nuk dihej nëse ai vërtet kishte patur një lidhje me të.
Blitz.al ka kontaktuar me ish-banorin e Big Brother, i cili ka konfirmuar gjithçka, si dhe ka rrëfyer detaje nga marrëdhënia e tij, arsyet e ndarjes, raportin që ka tashmë me Sidritën, si dhe si e shikon ai lidhjen e Sidritës me Ervinin brenda shtëpisë.
Diedoni tregon ekskluzivisht për Blitz.al se marrëdhënia ka zgjatur për disa muaj, dhe historia ka zgjatur muajt e verës së vitit të kaluar.
1.Diedon, ka një foto që po qarkullon ku jeni dhe ju dhe banorja e këtij viti në Big Brother, Sidrita. Si qëndron e vërteta e kësaj fotoje?
Sa i përket fotos që po qarkullon, është një foto dhe një pozicion që jo domosdoshmërisht mund të quhet foto e bërë nga një çift.. foto të tilla egzistojnë edhe mes shokësh apo të afërmish!!
Mirëpo, po është e vërtetë që kemi pasur një marrëdhënie disamujore vitin që lamë pas, e cila ishte e bukur për aq sa zgjati.
2.Pra ju keni patur një marrëdhënie dashurie me të. Por cilat janë arsyet e ndarjes suaj me Sidritën?
-Arsyet e ndarjes mund të them që kanë pasur të bëjnë kryesisht me çështje xhelozie nga ana e saj, dhe problemet e njëpasnjëshme që vijnë si rezultat i kësaj dukurie. Dhe si përfundim e pamë të arsyeshme që ishte rruga më e mirë për të dy me e përfundu pa u bërë diçka më e madhe!
3.Si i keni marrëdhëniet pas ndarjes?
-Marrëdhëniet pas ndarjes kanë qenë shumë të mira, ndoshta për faktin që nuk kishim inate personale apo urrejtje ndërmjet njëri-tjetrit, dhe mund të them që kemi ruajtur respekt të ndërsjelltë dhe komunikim shoqëror të shkëlqyeshëm!
4.A e keni parë këtë vit në Big Brother Sidritën?
-Këtë vit po e ndjek të them të drejtën më shumë përmes përmbledhjeve dhe informacioneve në rrjetet sociale për shkak të pamundësisë për ta ndjekur live BB për shkak të angazhimeve ditore dhe profesionale.
5.Ka thashetheme që e ke futur ti në Big Brother, a është e vërtetë?
– BB dhe stafi i tij, janë njerëz profesionalë dhe përzgjedhja e kandidatëve është bërë tërësisht në mënyrë profesionale! E kam keshilluar dhe udhëzuar Sidritën në bazë të përvojës dhe eksperiencës që kisha kaluar për disa gjëra që më ka kërkuar ajo, por përzgjedhja ka qenë tërësisht profesionale nga stafi i BB9.
6.Ka ndonjë diferencë Sidrita në jetën jashtë shtëpisë në krahasim me Sidritën brenda shtëpisë së Big Brother?
– Në bazë të përvojës mund të të siguroj që të gjithë aty brenda dhe të gjithë që kalojnë nëpër një eksperiencë të tillë kanë dallim me jetën jashtë, ajo se çfarë banorët shfaqin brenda është një produkt apo një personazh që ata dëshirojnë ta transmetojnë te publiku dhe është shumë e vështirë në fakt të jesh 100% vetvetja aty.
7.Çfarë mendimi keni për lidhjen që ka krijuar ajo në Big Brother me Ervinin?
Ervin-Sidrita sipas mendimit tim më duken persona më të përshtatshëm për njëri-tjetrin aty brenda, duke pasur parasysh që të dy merren me modeling, cilësitë fenotipore të ngjashme dhe gjërat e tjera në të cilat kanë interesim. Dhe do doja shumë që kjo që ata po na transmetojnë të mos jetë vetëm në kontekstin e lojës, por diçka reale sepse në të kundërtën do e humbiste efektin të cilin ata po trasmetojnë tek publiku./blitz.al
