Një incident është regjistruar në takimin e sotëm Biden-Putin mes gazetarëve amerikanë dhe sigurimit rus.
Nga mediat e huaja bëhet me dije se reporterët të ardhur nga SHBA posaçërisht për takimin në Gjenevë vërshuan për të hyrë brenda dhomës ku zhvillohet takimi Biden-Putin. Ishte lajmëruar se vetëm disa gazetarë do të lejoheshin, por sigurimi rus vendosi shiritin e kuq para tyre duke përdorur dhe forcë për t’i shtyrë ata.
Fox News bëri me dije se pamja ishte kaotike dhe Biden me Putin ishin present gjatë gjithë skenës. Qëllimi i sigurimit rus ishte mos lejonin gazetarët amerikanë të futeshin brenda dhomës, por ata përdorën edhe forcën duke shtyrë dhe kapur prej rrobash gazetarët.
Të pranishëm kanë qenë dhe zyrtarë të Shtëpisë së Bardhë që u bënë thirrje agjentëve rusë të ndalonin menjëherë./Opinion.al
