*Viktima Blerim Bizhga
Është identifikuar viktima e aksidentit të ndodhur mëngjesin e sotëm në Virua. Bëhet fjalë për 30 vjeçarin Blerim Bizhga nga Tepelena i cili ka ndërruar jetë.
Në orën 07:00 të ditës sotme më hyrje të Parkut Natyror të Viroit rreth 2.3 km në veri të Gjirokastrës ka ndodhur një aksidenti i rëndë ku mbeti i vdekur 30 vjeçari nga Tepelena dhe po ashtu në gjendje të kritike për jetën, është dërguar me helikopter drejtë Tiranës Sokol Lushka, 24 vjeç, banues në Tepelenë, konfirmojnë burime për opinion.al.
Sipas grupit të ekspertizës, drejtuesi ka humbur kontrollin e mjetit kur po hynte në rrugën me gjerësi të kufizuar nga bordurat mbrojtëse ndarëse përbri liqenit artificial. Automjeti tip Mercedes Benz me targa AA976OX, ka dalë nga rruga dhe ka rënë rreth 3 metra poshtë saj, në pjesën përballë liqenit të Viroit. Përplasja ka qenë aq e fortë, saqë ka shkulur nga vendi një bordurë mbrojtëse me gjatësi 2 metra dhe lartësi 1.2 metra. Të dy personat që udhëtonin në të, mendohet se kanë qenë nën efektin e lëndëve psikotrope.
