Ibrahimovic gjithnjë e më tepër si “Mbret” në Suedi. Sulmuesi fitoi për të 11 herën Topin e Artë si Lojtari më i mirë suedez i vitit. ndërsa Federata e futbollit bëri të ditur se një statujë gjigande e Ibrakadabrës do të ndërtohet para stadiumit “Friends Arena” në Stokholm. “Më duket dicka e pabesueshme, – komentoi Ibra duke shtuar, – Zakonisht një ndërim i tillë të bëhet pasi vdes, por unë jam ende gjallë. Gjithsesi edhe kur unë të mos jem, ajo statujë do të mbetet përgjithmonë”. Në karrierën e tij Zlatan ka luajtur 114 ndeshje me fanellën e Suedisë duke shënuar 62 gola, para se të tërhiqej nga Kombëtarja. Suedezi ndërkohë mbetet i bindur se ka bërë lëvizjen e duhur duke u transferuar te Manchester United, një vendim i lehtë për të edhe falë Jose Mourunhos.
“Muorinho ishte vendimtar, skuadra për të cilën unë firmosa nuk ishte aq e fortë sa PSG që po lija, por kur Mourinho më telefonoi vendimi ishte i lehtë për tu marrë. Gjithcka që duhej të vendosnim ishte se kur do të prezantohesha si një lojtar i United. Unë kurrë nuk do i them jo sfidave, kjo ishte ajo që doja, të vija në një ndër klubet më të mëdhenj të botës që kishte probleme dhe nuk kishte fituar së fundmi, për të fituar Premier Leaguen. Kjo po që është sfidë.”
Manchester United nuk e fiton titullin kampion që nga tërheqja e legjendarit Aleks ferguson në fund të sezonit 2012-2013, dhe ky ka qenë një sezon i vështirë për ta pasi gjenden 9 pikë pas Chelseat kryesues, por Ibrahimovic nuk duket i surprizuar nga dicka e tillë.
“E kisha thënë që në fillim se nuk jemi ne favoritët për të fituar titullin këtë sezon. Me gjithë ato blerje të reja në verë, njerëzit u emocionuan duke shpresuar, por u bënë 4 apo 5 vjet që klubi nuk e ka fituar kampionatin, apo të ketë qenë në krye të klasifikimit. Ne për këtë po punojmë”.
Ibrahimovic ka shënuar 6 gola në 11 prezenca me Manchester United në këtë sezon të Premier League dhe e ardhmja mund të jetë në SHBA: Eshtë një opsion, unë udhëtoj në shumë shtete për të luajtur në kampionate të ndryshme. Jam si Bonaparti, kudo që shkoj pushtoj zemrat e tifozëve./supersport
