Gjendet i pajetë në lagjen “1 Maj” të qytetit të Vlorës trupi i 33-vjeçarit Martin Seleni.
Ai u denoncua si i humbur nga familjarët në datën 5 maj. Seleni punonte në një fasoneri dhe hera e fudit ku ishte parë ishte rreth orës 15:30 të asaj dite teksa dilte nga fasoneria dhe shkonte në bankë për të marrë rrogën.
Familjarët nuk kishin asnjë informacion për të që prej asaj kohe. Policia e Vlorës e ka gjetur trupin e tij rreth orës 19:00, pas raportimeve të banorëve të zonës të cilët pretendonin se kishin ndjerë erën e trupit.
Kufoma është gjendur në një ndërtesë të braktisur në lagjen 1 Maj, e cila përdoret për konsumimin e lëndëve narkotike.
Dyshohet se 33-vjeçari ka vdekur nga mbidoza e lëndëve narkotike, pasi edhe sipas personave që e njohin, është përdorues i rregullt i lëndëve narkotike./ Opinion.al
