Samuel Ndoka është lejuar të përcjellë të atin për në banesën e fundit messditën e së dielës, pas miratimit të kërkesës së tij nga Drejtoria e Burgjeve. Por i riu, i cili është ndaluar dhe gjendet në masën e sigurisë arrest me burg, është shoqëruar nga forca policie teksa është liruar për disa orë nga qelia.
Në fotot e publikuara nga gazeta Panorama gjatë funeralit të Aleksandër Ndokës shihen edhe makinat e policisë, të cilat ruajnë dhe mbikqyrin Samuel Ndokën, i cili pas ceremonisë mortore do të kthehet sërish në qelinë e tij, në prije të vendimit të gjykatës.
Ndërkohë, djali tjetër i Aleksander Ndokës, në kërkim nga policia nuk ka qenë pjesë e nderimeve të fundit për të atin.
Aleksandër Ndoka u gjet i pajetë në orët e para të mëngjesit të së shtunës, i qëlluar me 14 plumba në automjetin e tij.
Policia ka ndaluar 8 persona dhe po heton mbi ngjarjen në disa pista, ku nuk perjashtohet edhe ajo e konflikteve te djemve te tij.
e
