Ka nisur me debate të forta seanca e sotme plenare në Kuvend, mes opozitës dhe mazhorancës lidhur me projektin për Portin e Durrësit.
Opozita ka kërkuar po kështu t’i jepet fjala dhe kanë protestuar siç thanë ata për “fjalën e lirë” dhe pasi kreut të PD-së nuk i është lejuar t’i përgjigjet kreut të grupit të PS-së Taulant Balla, deputetët e opozitës kanë rrethuar foltoren. Pas tyre kanë rrethuar foltoren edhe punonjësit e Gardës.
Ndërkohë, sikurse shihet dhe nga fotot, kryeministri Edi Rama ka qëndruar i ulur në vendin e tij dhe teksa kryedemokrati Berisha i drejtohet, ai mban fytyrën mes duarve. Më tej, Rama shihet teksa pi kafe.
Ndërsa nuk iu dha fjala në foltore, kreu i PD-së u fut live në rrjetin e tij social “Facebook” për të komunikuar me ndjekësit e tij./Opinion.al
