Një grabitje ka ndodhur në Rinas të Tiranës, rreth orës 15:00 të ditës së martë. Grabitësit kanë hyrë brenda perimetrit të sigurisë së pistës dhe kanë grabitur disa thasë me para nga një makinë e transportit të vlerave monetare.
Dyshohet se ka një viktimë (grabitës) nga kjo ngjarje pasi ka patur përplasje me armë me policinë.
Sipas burimeve, grabitja është kryer brenda pistës së aeroportit nga 4 persona të maskuar, të cilët kanë qenë me një makinë me logo “HETIMI TATIMOR”.
Forca të shumta policie ndodhen në vendngjarje. Ata kanë ngritur postblloqe për të bërë të mundur ndalimin e grabitësve. Grabitësit dyshohet se janë larguar drejt fshatit Nikël./Opinion.al
