Policia është duke zbarkuar nga gomonia drogën që u kap sot në Vlorë, pasi dy mjete një fuoristradë dhe një gomone mbeten të zhytura në det. Mendohet se gomonia ka ngecur gjatë natës në cektirën e plazhit të vjetër, si pasojë e ngarkesës së drogës. Gomone ka rreth 500 kg drogë dhe mendohet se do trafikohej në Itali. Po ashtu në bordin e gomones janë gjetur edhe ujë i pijshëm, ushqim dhe karburant që do ti shërbente trafikantëve.
Ndërkohë makina, e cila dyshohet se do tërhiqte gomonen me drogë dhe që kishte negecur në breg të detit është me targa italiane. Një grup ekspertësh do të kryejnë veprimet për të zbuluar kush janë pronarët e kësaj makine.
Njoftimi i Policisë Vlorë
Më datë 12.02.2018, në lagjen ”1 Maji”, në zonën e quajtur plazhi i vjetër, shërbimet e Policisë së DVP.Vlorë, ato të Kufirit dhe Delta Forcë në vijim të kontrollit të vijës bregdetare të nisur mbrëmjen e djeshme nga toka dhe deti mbi bazën e informacioneve të marra në rrugë operative për një tentativë për trafik të lëndëve narkotike, kanë gjetur të zhytur rreth 20 metra brenda në det një mjet tip ”Jeep”, me targa të huaja.
Gjithashtu po në vijim të kontrollit për gjetjen e mjetit lundrues, në afërsi të vendit të quajtur Petroliferë nga shërbimet policore është gjetur një mjet lundrues tip gomone me gjatësi rreth 5 metra dhe me një sasi lënde narkotike në brendësi.
Grupi hetimor i ndodhur në vendngjarje po vijon punën për zbardhjen e plotë të kësaj ngjarje dhe identifikimin e kapjen e shtetasve të përfshirë në këtë veprimtari kriminale.
te lidhura: Droga mbyt mjetet ne Vlore
*Foto te gomones me droge dhe Jeep qe u gjet i zhytur ne det
