“Prokuroria po kërkon burg duke paraqitur si provë materiale, 5 materiale plastike ( bidona), dy pankarta letre, dhe dy ristela mbajtëse”. Kështu shprehet në një postim në FB, deputeti demokrat Ervin Salianji, i cili së bashku me deputetin Paloka dhe dy përfaqësueset e LSI, Kejdi Mehmetaj dhe Klajda Gjosha po ndjek nga salla seancën e 11 banorëve të arrestuar në protestën e së enjtes.
“Nëse vjedh, trafikon, merresh me prostitucion, me vrasje, me korrupsion Rilindja të bën deputet, ministër dhe të promovon!
Nëse denoncon, ngre zërin, proteston, mbron familjen dhe banesën përfundon në burg!
Prokuroria po kërkon burg duke paraqitur si provë materiale, 5 materiale plastike ( bidona), dy pankarta letre, dhe dy ristela mbajtëse!, shkruan Salianji.
Seanca sot po të zhvillohet nën masa të rrepta sigurie, ndërkohë që dera nga hyn publiku zakonisht sot është bllokuar, duke lejuar vetëm prokurorët dhe gjykatësit.
