Martin Henze, përfaqësues i partisë gjermane CDU i është bashkuar protestës së opozitës të shtunën paradite. Ai është fotografuar në krah të ish-kryeministrit Sali Berisha.
Në një kohë kur pothuaj i gjithë faktori ndërkombëtar ka dënuar vendimin politik të opozitës për djegien e mandateve, Martin Henze i cili është këshilltar ekonomik i partisë CDU të Angela Merkel, ka thënë se në një vend si Shqipëria kjo gjë është e kuptueshme.
“Në Europë ka mendime kontradiktore për vendimin e PD për djegien e mandateve. Jo çdo informacion që ka ardhur në Shqipëri është i vërtetë pasi këtu vijnë informacione të filtruara dhe të selektuara. PD dhe opozitës i është mohuar e drejta parlamentare pasi nuk funksionon Gjykata Kushtetuese dhe ajo nuk ka mundësi për të apeluar vendimet e parlamentit. Prandaj dhe zgjedhja për largimin nga parlamenti mund edhe të kuptohet”, u shpreh ditën e djeshme Henze./Opinion.al
