Protesta e studenteve të Universiteteve Publike është shtrirë në të gjitha universitetet publike në rrethe. Përveç studentëve të Tiranës, protestohet edhe në Shkodër, Elbasan, Korçe, Vlorë dhe Durrës. Pas bojkotimit të mësimit dhe marshimit në qytetet e tyre, studentët e Durrësit dhe të Elbasanit iu bashkuan studentëve të Tiranës para godinës së Ministrisë së Arsimit.
Në protestë mbizotërojnë pankarta të shumta me ide dhe plot fantazi nga studentët, ndërsa nuk mungojnë edhe ironitë kundër Ramës (me disa shprehje të përdorura nga kryeministri më parë), dhe ministres së Arsimit Lindita Nikolla.
