Arkitektura e xhamive në botë është padyshim identifikuese e vlerave të vërteta të lindjes dhe islamit, por jo vetëm. Këto xhami janë një vepër e vërtetë arti nga pikëpamja estetike.
Njihuni me disa nga xhamitë më të bukura në botë:
Xhamia e sheikut Lotfollah, Iran
Kjo xhami është ndërtuar në Isfahan, një qytet për të cilin thuhet se u ndërtua për të rivalizuar Athinën dhe Romën.
E ndërtuar në fillim të shekullit të 17-të, ajo nuk ka një oborr apo minare, duke e bërë atë të pazakontë nga ana arkitekturore.
Xhamia Blu, Stamboll, Turqi
Madhështore dhe mbreslënëse, Xhamia Blu ka gjashtë minare në formë gjilpëre. Ajo u ndërtua nën sundimin e sundimtarit osman Ahmedi, midis 1609 dhe 1616.
Xhamia Blu, Kairo, Egjipt
Xhamia e Amir Aqsunqur, e cila daton nga shekulli i 14-të, u rihap në Kajro, në maj të këtij viti pas një mbyllje 13-vjeçare për të riparuar dëmet nga një tërmet. Xhamia është pjesë e një kompleksi varresh, që përmban mauzoleun e themeluesit të saj Shams El-Din Aqsunqur dhe bijtë e tij.
Estetika e saj reflekton stilin osman.
Xhamia Hassan II, Marok
Xhamia e madhe Hassan II ka minarenë më të lartë në botë, 210 metra. Kjo xhami është e treta më e madhe në botë. Ngrihet në bregdetin e Kazablankas, dhe shtrati i detit është i dukshëm në dyshemenë e sallës së xhamisë.
Al-Masjid an-Nabawi në Medinë të Arabisë Saudite
Ndërtuar nga Profeti Muhamed rreth vitit 622, ky është vendi i dytë më i shenjtë në Islam, pas xhamisë Al-Haram në Mekë. Këtu strehoet varri i Profetit Muhamed.
Ka 10 minare, më e larta nga të cilat është 105 metra e gjatë dhe një kapacitet prej 600.000 personash por që shkon në rritje pasi mban gati një milion gjatë periudhës vjetore të Haxhit.
Jomyslimanët nuk lejohen të hyjnë në disa pjesë të Medinës.
Marrë nga ‘The Telegraph’
