“B-2 Spirit” konsiderohet si avioni më i shtrenjtë ushtarak, pasi një prej tyre kushton rreth 2 miliardë dollarë.
I konsideruar si një produkt i Luftës së Ftohtë dhe si një nga mjetet më të sofistikuara ajrore që ekziston, B-2 mund të arrijë një objektiv kudo në botë dhe të rikthehet në bazë, duke pasur mundësinë që të furnizohet dhe në ajër.
Ai nuk ka humbur asnjë betejë dhe është projektuar për të hyrë pa u dalluar nga sistemi i mbrojtjes ajrore sovjetike.
Ai është në gjendje të mbajë armë bërthamore dhe ka një “krah fluturues” që e bën pothuajse të padukshëm për radarin.
Pas fluturimit të tij të parë rreth 30 vjet më parë në vitin 1989, në kohën e rënies së Murit të Berlinit dhe përfundimit të Luftës së Ftohtë, B-2 nuk hyri më asnjëherë brenda hapësirës ajrore ruse.
Megjithatë, ai ka shërbyer në shumë raste të tjera. Avionët B-2 u dërguan në vitin 1993 në bazën ajrore të Whiteman në Missouri dhe përdorimi i parë operacional u realizua gjatë luftës së Kosovës në vitin 1999./Opinion.al
