Wayne Rooney, kapiteni i Manchester Unitedit, më në fund i ka dhënë fund spekulimeve rreth të ardhmes së tij futbollistike.
Sulmuesi i Anglisë nëpërmjet një komunikate për media ka njoftuar të gjithë se do të mbetet pjesë e Manchester Unitedit. Kështu, Rooney ka hedhur poshtë spekulimet se do të transferohet në Kinë.
“Pavarësisht interesit të treguar nga klubet tjera, për të cilat unë jam mirënjohës, unë dua t’i jap fund spekulimeve të fundit duke treguar se unë do të qëndroj në Manchester United”, ka deklaruar ai.
