Mesa duket kjo është periudha më e mirë që po përjeton ekipi i kombëtarës shqiptarë. Përveç performancës së shkëlqyer që kanë shfaqur Taulant Xhaka dhe Hysaj në Champions League, edhe lojtarë të tjerë kanë spikatur në kampionatet e tyre.
Bekim Balaj, Odise Roshi dhe Bernard Berisha janë duke shkëlqyer në futbollin rus dhe akt e kanë konfirmuar edhe këtë javë duke hyrë në në formacionin e javës në Kampionatin rus.
Dyshja e Terek Grozni, Balaj e Roshi vazhduan bashkëpunimin e tyre të mirë edhe në fitoren ndaj Uralit me rezultat 4-1.
Balaj ishte autor i dy golave, ndërsa Roshi dha një asistim dhe detyroi mbrojtësin Dinga të shënonte në portën e tij.
Kurse, Berisha u vlerësua me notën 7.7 për paraqitjen e tij në barazimin pa gola me Krasnodar.
