Një aksident i rëndë është shënuar në Peshkopi pasditen e sotme. Nga përplasja e një furgoni pasagjerësh me një veturë kanë mbetur të plagosur 4 persona, dy prej të cilëve janë në gjendje të rëndë.
Përmes një njoftimi, policia thotë se aksidenti ndodhi rreth orës 16:30 tek “Tre çezmat”, në aksin rrugor Shupenzë –Bulqizë ka patur një përplasje mjetesh.
Automjeti furgon me targa AA925FO me drejtues M.H që transportonte pasagjerë nga Tirana për në Peshkopi është përplasur me automjetin Pezho me targa AA714MU, me drejtues E.T që lëviste nga Peshkopia për në Tiranë.
Si pasojë janë dëmtuar në gjendje të rëndë dhe janë transportuar me helikopter drejt Tiranës F. H.rreth 40 vjeç dhe N.I rreth 65 vjeç.
Si dhe janë plagosur jashtë rrezikut për jetën shtetësja G.T, 18 vjeçe nga Dibra e cila po transportohet për në spitalin e Peshkopisë si dhe L.L , 59 vjeçe nga Tirana po transportohet me ambulancë për në Tiranë.
Grupi hetimor po kryen veprimet në vendngjarje për të zbardhur rrethanat dhe shkakun e aksidentit.
Drejtuesit e mjeteve janë shoqëruar në Komisariat për veprime të mëtejshme.
