Italia është vendi me numrin më të lartë të të prekurve nga koronavirusi jashtë Azisë. Rastet e konfirmuara pësuan një rritje të menjëherëshme dy ditët e fundit duke regjishtruar edhe 3 viktima. Rajoni i Lombardisë është më i prekuri me 112 raste të konfrmuara deri tani.
Kjo situatë ka ngjallur frikë dhe panik në popullësi ndërsa autoritetet kanë vendosur të ndërmarrin masa ‘drakoniane’ të tipit ‘Modeli Wuhan’ për të ndaluar përhapjen e virusit duke paralajmëruar arrestime për të gjithë ata që tentojnë të largohen nga rajonet të cilat cilësohen si “vatra infektimi”. Shkollat dhe universitetet janë të mbyllura në të gjithë Lombardinë, për një javë. Po ashtu të njëjta masa janë marrë edhe në Veneto dhe Piemonte.
Por ajo që bie në sy nga rajoni i izoluar tashmë i Lombardisë janë supermarketet e zbrazura. Në fotografitë e siguruara nga mediat vendase shihen raftet bosh të ushqimeve bazë dhe njerëz me maska që rrinë në rradhë me karroca në supermarkete. Të friksuar nga zgjatja në kohë e periudhës së izolimit, qytetarët e Lobardisë kanë furnizuar shtëpitë e tyre me rezerva ushqimesh për të siguruar qëndrimin brenda shtëpisë për ditë të tëra.
Ndërkohë, kryeministri Giuseppe Conte gjatë konferencës për shtyp në fund të mbledhjes së këshillit të Ministrave në selinë e Mbrojtjes Civile, deklaroi se; “Aktualisht nuk ka masa për të kërkuar dhe pezullimin e Traktatit të Shengenit dhe veçanërisht lëvizjen e lirë të personave. Një masë drakoniane është aktualisht në vend dhe një mase tjetër nuk përputhet me nevojat e mbrojtjes së shëndetit të qytetarëve italianë”. /Opinion.al
